വിളംബര യാത്ര

പൈതൃക കോൺഗ്രസ് വിളംബരത്തിന്റെ ഭാഗമായി സംഗീത–വേദ ഗ്രാമമായ തിരുവനന്തപുരം തെക്കേകോട്ടയ്ക്കു സമീപത്തെ രാമവർമപുരം ഗ്രാമം (പുത്തൻതെരുവ്) വഴി 2024 നവംബർ 16-ന് പൈതൃക നടത്തം സംഘടിപ്പിച്ചു.

മുൻ പ്രധാനമന്ത്രി ഡോ. മൻമോഹൻ സിങ്ങിന്റെ ഉപദേഷ്ടാവായിരുന്ന ടി.കെ.എ. നായർ ഉദ്ഘാടനം ചെയ്തു. ചാല കമ്പോളം, പടിഞ്ഞാറേക്കോട്ട, അമ്മവീടുകൾ, കാന്തള്ളൂർശാലയുടെ ആസ്ഥാനമായ മരതകരത്നക്കുന്ന് (പുത്തൻകോട്ട എം.ആർ. ഹിൽ) എന്നിവിടങ്ങളിലേക്കു നടത്തിയ പൈതൃക നടത്തങ്ങളുടെ തുടർച്ചയായിരുന്നു ഈ വിളംബര യാത്ര.

പൈതൃക കോൺഗ്രസ് പുരസ്കാരം

പൈതൃക കോൺഗ്രസിന്റെ ഭാഗമായി മൂന്ന് പുരസ്കാരങ്ങൾ ഏർപ്പെടുത്തിയിരുന്നു. ഈ രംഗത്ത് പ്രവർത്തിക്കുന്നവരിൽ നിന്ന് നാമനിർദേശം സ്വീകരിച്ച് പ്രത്യേക ജൂറി പരിശോധിച്ചാണ് പുരസ്കാരങ്ങൾ നൽകിയത്.

ഡോ. എം.ജി. ശശിഭൂഷൺ അധ്യക്ഷനായ ജൂറിയിൽ ഡോ. ടി.പി. ശങ്കരൻകുട്ടിനായർ, പ്രതാപ് കിഴക്കേമഠം, മലയിൻകീഴ് ഗോപാലകൃഷ്ണൻ, ഗീതാ മധു, പ്രസാദ് നാരായണൻ എന്നിവർ അംഗങ്ങളായിരുന്നു. തണൽക്കൂട്ടം പ്രസിഡന്റ് സംഗീത് കോയിക്കൽ മെമ്പർ സെക്രട്ടറിയായിരുന്നു.

വെള്ളനാട് രാമചന്ദ്രൻ (വി.വി.കെ. വാലത്ത് സ്മാരക പുരസ്കാരം), സേതു വിശ്വനാഥൻ (പൈതൃക സംരക്ഷണ പുരസ്കാരം), വട്ടപ്രമ്പിൽ ഗോപിനാഥപിള്ള (ഭാഷാ പൈതൃക പുരസ്കാരം) എന്നിവരെയാണ് പുരസ്കാരത്തിനായി തിരഞ്ഞെടുത്തത്.

സ്വാഗത സംഘം ഓഫീസ് ഉദ്ഘാടനം

പൈതൃക കോൺഗ്രസിനായി ശ്രീ പദ്മനാഭസ്വാമി ക്ഷേത്രത്തിന്റെ വടക്കേ നടയിലെ ശംഖുചക്രം ബിൽഡിംഗ്സിൽ സ്വാഗതസംഘം ഓഫീസ് തുറന്നു.

പൈതൃക കോൺഗ്രസ് 2025

2025 ജനുവരി 18, 19 തീയതികളിലായിരുന്നു ആദ്യ പൈതൃക കോൺഗ്രസ്. പടിഞ്ഞാറേക്കോട്ട തഞ്ചാവൂർ അമ്മവീട്ടിൽ (മിത്രനികേതൻ സിറ്റി സെന്റർ) നടന്ന ഈ പരിപാടി മുൻ മാതൃകകളൊന്നുമില്ലാത്തതിനാൽ തികച്ചും നൂതനമായ ഒരു കാൽവയ്പായിരുന്നു.

ജനുവരി 18-ന് രാവിലെ 9.30-ന് അനന്തശയം ഗ്രൂപ്പിന്റെ തിരുവാതിരക്കളിയോടെയാണ് പൈതൃക കോൺഗ്രസിന് തുടക്കമായത്. സെക്രട്ടേറിയറ്റിലെ ഉദ്യോഗസ്ഥനായ ആർ. ജയറാം കുമാർ രചിച്ച ആമുഖഗാനം രാമവർമപുരം ഗ്രാമ സംഗീതഗ്രാമത്തിലെ ഗായകസംഘം ആലപിച്ചു.

ആമുഖ ഗാനം

അന്തരാത്മ ദലങ്ങളിൽ യുഗ
ധർമ ഗീതികൾ പാടി

കർമമാർഗമിതിൽ തുടർന്നിടും
വീണയല്ലോ പൈതൃകം, പൈതൃകം

നീല ശൈലജ വിപിനവും തുടി
ചേർന്നിണങ്ങിയ തിണകളും

ജലധിയാന ചരിതങ്ങളും
കഥയായ അറിവായ്

തെളിയുമെൻ പൈതൃകം…

മന്ത്രി ജി.ആർ. അനിൽ ആദ്യ പൈതൃക കോൺഗ്രസിന് തിരി തെളിച്ചു. പൈതൃക കോൺഗ്രസ് അധ്യക്ഷൻ ഡോ. എം.ജി. ശശിഭൂഷൺ അധ്യക്ഷത വഹിച്ചു. ജനറൽ കൺവീനർ പ്രതാപ് കിഴക്കേമഠം സ്വാഗതം ആശംസിച്ചു.

ഗീത മധു രചിച്ച “കൈതമുക്ക് ചരിതം – പേട്ട മുതൽ കോട്ടവരെ” എന്ന പുസ്തകം മുൻ കാബിനറ്റ് സെക്രട്ടറി കെ.എം. ചന്ദ്രശേഖറിന് നൽകി മന്ത്രി പ്രകാശനം ചെയ്തു.

വി.വി.കെ. വാലത്ത് പുരസ്കാരം വെള്ളനാട് രാമചന്ദ്രന് മന്ത്രി സമ്മാനിച്ചു. പൈതൃക കോൺഗ്രസിന്റെ ഉപഹാരം ഡോ. എം.ജി. ശശിഭൂഷൺ മന്ത്രിക്കു സമർപ്പിച്ചു.

ആദ്യ ദിന സെമിനാറുകൾ

പൈതൃക കോൺഗ്രസിലെ ആദ്യ സെമിനാർ മുൻ കാബിനറ്റ് സെക്രട്ടറി കെ.എം. ചന്ദ്രശേഖറിന്റെ അധ്യക്ഷതയിൽ നടന്നു. ഡോ. ടി.പി. ശങ്കരൻകുട്ടിനായർ മുഖ്യപ്രഭാഷണം നടത്തി.

താഴെപ്പറയുന്ന വിഷയങ്ങളിൽ പ്രബന്ധങ്ങൾ അവതരിപ്പിച്ചു:

• മലയിൻകീഴ് ഗോപാലകൃഷ്ണൻ – പൈതൃക നയത്തിന്റെ പ്രസക്തി

• ടി. ബാലകൃഷ്ണൻ – പൈതൃകവും ടൂറിസവും

• ഡോ. വെള്ളിനേഴി അച്യുതൻകുട്ടി – അസ്പർശ്യ പൈതൃകം

• ജി. ശങ്കർ – വികസനവും പൈതൃകവും

ഉച്ചയ്ക്കുശേഷം നടന്ന സെമിനാറിൽ ഡോ. ഗിഫ്റ്റി എൽസാ വർഗീസ് മോഡറേറ്ററായിരുന്നു.

പ്രബന്ധാവതാരകർ:

• ഡോ. ഏറ്റുമാനൂർ കണ്ണൻ – കൂടിയാട്ടവും പൈതൃകവും

• ഡോ. ഗൗതമൻ (സി.വി.എൻ. കളരി) – കളരിയുടെ പൈതൃകം

• ഡോ. ബി.എസ്. ബിനു – ഫോക്‌ലോറിന്റെ പൈതൃകം

• ഡോ. വി. പ്രേംകുമാർ – പുരാവസ്തു നിയമങ്ങൾ

• ബി. ജയച്ചന്ദ്രൻ – പൈതൃകത്തിന്റെ ദൃശ്യവൽക്കരണം

പ്രദർശനങ്ങളും ഡോക്യുമെന്ററികളും

ബി. ജയച്ചന്ദ്രന്റെ Visual History of Kerala, ജയശ്രീ സി. ലക്ഷ്മിയുടെ ചുവർചിത്രങ്ങളുടെ പ്രദർശനം, വിവിധ ഡോക്യുമെന്ററികളുടെ പ്രദർശനം എന്നിവയും സംഘടിപ്പിച്ചു.

പ്രദർശിപ്പിച്ച ഡോക്യുമെന്ററികൾ:

• നാഞ്ചിനാട് (സംവിധാനം: ജീൻപോൾ)

• അയ്യപ്പൻ തീയാട്ട് (കെ. നാരായണൻ)

• ഓറിയന്റൽ മാനുസ്ക്രിപ്റ്റ് ലൈബ്രറി (പ്രതാപ് കിഴക്കേമഠം)

കൂടാതെ, ആഭ (അനിൽ നെടുങ്ങോട്) എന്ന ഹ്രസ്വചിത്രവും പ്രദർശിപ്പിച്ചു.

രണ്ടാം ദിന സെമിനാറുകൾ

2025 ജനുവരി 19-ന് രാവിലെ 9.30-ന് രണ്ടാം ദിവസത്തെ സെമിനാറുകൾ ആരംഭിച്ചു. പ്രസാദ് നാരായണൻ മോഡറേറ്ററായിരുന്നു.

പ്രബന്ധാവതാരകർ:

• ശാന്താ തുളസീധരൻ – ഗോത്രസംസ്കൃതിയുടെ പൈതൃകം

• പ്രഫ. കാട്ടൂർ നാരായണപിള്ള – ചിത്രകലയുടെ പൈതൃകം

• ഡോ. എസ്. രാജശേഖരൻ നായർ – ആസൂത്രണവും പൈതൃകവും

• വിനോദ് സെൻ – പൈതൃക സംരക്ഷണവും രാഷ്ട്രീയ നേതൃത്വവും

• ഡോ. ബെറ്റിമോൾ മാത്യു – ഭാഷയും പൈതൃകവും

തുടർന്ന് നടന്ന ഗവേഷണ പ്രബന്ധങ്ങളുടെ അവതരണം തിരുവിതാംകൂർ രാജകുടുംബാംഗം പൂയംതിരുനാൾ ഗൗരി പാർവതിബായി തമ്പുരാട്ടി ഉദ്ഘാടനം ചെയ്തു.

സമാപന സമ്മേളനം

വൈകിട്ട് 3 മണിക്ക് പൊതുവിദ്യാഭ്യാസവും തൊഴിൽ നൈപുണ്യവും വകുപ്പുമന്ത്രി വി. ശിവൻകുട്ടി സമാപന സമ്മേളനം ഉദ്ഘാടനം ചെയ്തു.

തണൽക്കൂട്ടം പ്രസിഡന്റ് സംഗീത് കോയിക്കൽ സ്വാഗതം ആശംസിച്ചു. തണൽക്കൂട്ടം ചെയർമാൻ സന്ദീപ് വാസുദേവൻ അധ്യക്ഷത വഹിച്ചു.

ഐ.ബി. സതീഷ് എം.എൽ.എ, ഡോ. എം.ജി. ശശിഭൂഷൺ, ഡോ. ടി.പി. ശങ്കരൻകുട്ടിനായർ, പ്രഫ. വി. കാർത്തികേയൻ നായർ, പ്രഫ. കാട്ടൂർ നാരായണപിള്ള, ഡോ. വെള്ളിനേഴി അച്യുതൻകുട്ടി എന്നിവർ പ്രസംഗിച്ചു.

പ്രബന്ധാവതരണത്തിൽ പങ്കെടുത്തവർക്കും പ്രദർശനങ്ങൾ ഒരുക്കിയവർക്കും മന്ത്രി പുരസ്കാരങ്ങൾ സമ്മാനിച്ചു. ജീൻപോൾ രചിച്ച 1946 എന്ന പുസ്തകവും ചടങ്ങിൽ പ്രകാശനം ചെയ്തു.

പ്രധാന നിർദേശങ്ങൾ

സമാപന സമ്മേളനത്തിൽ തണൽക്കൂട്ടം ചെയർമാൻ സന്ദീപ് വാസുദേവൻ മുന്നോട്ടുവച്ച പ്രധാന ആവശ്യങ്ങൾ:

• പൈതൃകം പാഠ്യപദ്ധതിയിൽ ഉൾപ്പെടുത്തുക

• സ്കൂളുകളിൽ ഹെറിറ്റേജ് ക്ലബ്ബുകൾ ആരംഭിക്കുക

ഇവ രണ്ടും നടപ്പിലാക്കുമെന്ന് മന്ത്രി വി. ശിവൻകുട്ടി പ്രഖ്യാപിച്ചു.

ദേശീയഗാനത്തോടെയാണ് ആദ്യ പൈതൃക കോൺഗ്രസ് സമാപിച്ചത്.

നന്ദി

കൂട്ടായ്മയുടെ വിജയമായിരുന്നു ആദ്യ പൈതൃക കോൺഗ്രസ്. ചിട്ടയായ പ്രവർത്തനങ്ങളാണ് ഈ വിജയത്തിന് പിന്നിൽ. ഇതിനു പിന്നിൽ പ്രവർത്തിച്ച എല്ലാവർക്കും നന്ദി രേഖപ്പെടുത്തുന്നു.

ഡോ. ശശി തരൂർ എം.പി., ഐ.ബി. സതീഷ് എം.എൽ.എ., ഡോ. എം.ജി. ശശിഭൂഷൺ, പ്രഫ. എസ്. രാജശേഖരൻ നായർ, മലയിൻകീഴ് ഗോപാലകൃഷ്ണൻ, പ്രഫ. കാട്ടൂർ നാരായണപിള്ള, ഡോ. വെള്ളിനേഴി അച്യുതൻകുട്ടി, പ്രഫ. വി. കാർത്തികേയൻ നായർ, ഡോ. വി. പ്രേംകുമാർ, ഡോ. ബി.എസ്. ബിനു, ഗീത മധു, അംബിക അമ്മ, പ്രതാപ് കിഴക്കേമഠം, എം.എസ്. ഭുവനചന്ദ്രൻ, പ്രസാദ് നാരായണൻ, സന്തോഷ് കുമാർ, സന്ദീപ് വാസുദേവൻ, സംഗീത് കോയിക്കൽ, ശംഭുമോഹൻ, ജീൻപോൾ, ശാന്താ തുളസീധരൻ, ആർ.എസ്. പദ്മകുമാർ, ശങ്കർ ദേവഗിരി, നിസാർ യാക്കൂബ്, ആർ. ശശിശേഖർ, അനിൽ നെടുങ്ങോട്, ഡോ. ഗിഫ്റ്റി എൽസാ വർഗീസ്, വിനോദ് സെൻ, ആർ. ജയറാം കുമാർ തുടങ്ങിയവരുടെ സേവനങ്ങൾക്ക് പ്രത്യേകം നന്ദി അറിയിക്കുന്നു.