തണൽക്കൂട്ടം

നമ്മുടെ പൈതൃകം നമ്മുടെ ഉത്തരവാദിത്തം മനസ്സുകൾ ഹരിതമാക്കുകയെന്ന സന്ദേശമാണ് തണൽക്കൂട്ടം പങ്കുവയ്ക്കുന്നത്. അതിന് മാ നവരാശിയുടെ വേരുകളെപ്പറ്റി അന്വേഷണം വേണം. അനാദികാലം മുതലുള്ള പ്രപപഞ്ചം എത്രയോ തലമുറകളുടെ ഉദയാസ്തമയങ്ങൾക്ക് സാക്ഷിയായിട്ടുണ്ട്. ഇവിടെ കടന്നുപോയെ ഓരോ വ്യക്തിയും സമൂഹവും അവരുടെ പാദമുദ്രകളും കയ്യൊപ്പും അവശേഷിപ്പിച്ചു. അതിന്റെ ഭാഗമായി ഒട്ടേറെ കണ്ടെത്തലുകളുണ്ടായി. നിർമിതികളുണ്ടായി. വിജ്ഞാനത്തിന്റെ വൈവിധ്യമായ ശാഖകൾ വികസിച്ചു. അവിടെ ഒതുങ്ങി നിന്നില്ല. കലകൾ, ആചാരങ്ങൾ, രുചി ഭേദങ്ങൾ, ആഘോഷങ്ങൾ, ഭാഷ, നിർമിതികൾ, ശാസ്ത്രപുരോഗതി ഇങ്ങനെ നീളുന്നതാണ് മാനവരാശിയുടെ മുന്നേറ്റത്തിന്റെ സാക്ഷ്യപത്രങ്ങൾ. വനങ്ങൾ, നദികൾ, സമുദ്രങ്ങൾ, വൃക്ഷലതാദികൾ ,ഇങ്ങനെ വൈവിധ്യമാർന്ന വിഭവങ്ങൾ പ്രകൃതിയും ഒരുക്കിയിട്ടുണ്ട്. ഇവയെ നമുക്കു പൈതൃകമെന്നു സാമാന്യമായി വിശേഷിപ്പിക്കാം. ഈ പൈതൃകത്തെ അറിയുന്നതിനും സംരക്ഷിക്കുന്നതിനും പൈതൃകാവബോധം പ്രചരിപ്പിക്കുന്നതിനുമായി സമർപ്പിക്കപ്പെട്ട സന്നദ്ധ സംഘടനയാണ് തണൽക്കൂട്ടം സൊസൈറ്റി ഫോർ കൾചറൽ ഹെറിറ്റേജ് . നമ്മുടെ പൈതൃകം നമ്മുടെ ഉത്തരവാദിത്തമെന്ന വിശ്വാസമാണ് ഞങ്ങളെ മുന്നോട്ടു നയിക്കുന്നത്.